Audio Noise Reduction?

هنتكلم النهاردة عن حاجة مهمة جدا و بشكل مبسط عن استخدام او عملية ال Noise Reduction في " الصوت " ... المقالة هتتقسم لأكتر من جزء عشان الشرح طويل.

الجزء الأول:

نبدأ الأول بي تعريف بسيط : هي مرحلة أو عملية إزالة ال noise ( و هو الصوت الغير مرغوب فيه) من ال sound signal اللي هوا الصوت و في الغالب بيكون صوت الحوار(الكلام).

- ال Noise بيعتبر بشكل عام اي صوت غير مرغوب فيه زي مثلا صوت طيارة معدية او صوت كلاكس عربية او صوت تكييف شغال في نفس المكان اللي بتسجل فيه الصوت وهكذا

- عشان نعرف ازاي المرحلة دي بتم لازم نعرف اسباب ظهور ال noise, ومن أهم الأسباب اللي بتكون مسؤولة عن ظهور ال noise هيا ان الأجهزة الإليكترونية سواء كاميرا او جهاز تسجيل صوت او الميكروفونات بيكون جواها دوائر كهربية بينتج عنها حاجه اسمها

self-noise

و كمثال للتوضيح دي نقدر نلاحظها في الصورة ان كل ما تعلي ال ISO بيزيد معاك النويز في الصورة و الصوت نفس الكلام كل ما بتعلي ال gain بتاع المايك بيزيد معاك صوت النويز, و كل ما بتكون ال self-noise أقل كل ما يكون سعر الجهاز غالي خصوصا في أجهزة تسجيل الصوت.

______________________

بعد الأنتهاء من التصوير و في مرحلة المونتاج بتبدأ تلاحظ ان في noise موجودة بالصوت و ده بيكون لأسباب كتير اللي اتكلمنا عنها و بيتم العمل علي عملية خفض الضوضاء في مرحلة ال audio post production و بيكون مهندس الصوت هوا المسؤول عن عملية edit الصوت و دول ملناش دعوة بيهم في البوست ده دلوقتي لأنهم عارفين الكلام ده ;D .

_____________________

عملية ال Noise reduction بنعملها عن طريق plugins موجود في برامج المونتاج او برامج الصوت او برنامج stand alone و عشان نعمل ده و نطلع بي أحسن نتيجة أول خطوة بتكون في مرحلة التصوير ايوة في مرحلة التصوير. تسجيل الصوت بشكل جيد من الأساس بيساعد بشكل كبيرو بيطلع احسن نتيجة لما تعمل noise reduction للصوت اللي تم تسجيلة و الكلام عن ده طرق التسجيل الصحيحة كتير نبقي نتكلم عنها في مقالة منفصلة بس بشكل عام استخدام جهاز تسجيل صوت منفصل عن الكاميرا واستخدام مايكات كويسة لتسجيل الصوت.

lav mic

و ده عبارة عن كبسولة تقدر توصلها بشكل مباشر علي معظم الكاميرات او بتستخدم مع مايك وايرلس. و هنا بيبدأ ظهور مشكلة ال noise لأنها بتحصل وبتكون موجودة بشكل ملحوظ بسبب انك بتسجل الصوت علي الكاميرا مش علي جهاز مختص بتسجيل الصوت لأن الكاميرات و أجهزة تسجيل الصوت بتحتوي علي حاجة اسمها pre amp و دي وظيفتها انها بتكبر إشارة الصوت اللي داخلة لجهاز الصوت أو الكاميرا و ده اللي بينتج عنه ال self-noise اللي اتكلمنا عنه و طبعا كل ما يكون ال pre amp بيطلع نويز قليلة كل ما بيكون سعره أغلي و سهل نلاحظ ده في أجهزة تسجيل الصوت و بالتالي لما تسجل الصوت علي الكاميرا اللي بيكون فيها pre amp رخيص لأنها في ألأساس مش متخصصة لتسجيل الصوت فقط فا بيكون رخيص و كواليتي قليلة وبينتج عنه النويز وحاجات تانية بس خلينا في موضوعنا.

هنشرح في الجزء التاني إزاي تعمل noise reduction وي تطلع بي أحسن نتيجة و في مقالة تانية هنتكلم عن طرق ونصايح ازاي تسجل صوت بجودة سينمائيه و ازاي ده بيساعد في مرحلة ال audio post لما نيجي نعمل edit علي الصوت بشكل عام.